Sunday, May 6, 2007

************** لوعادت الايام ************

لو عادت الأيام

و رجعت يمنعني الحياء من الكلام
و يثور في الأعماق صوت مشاعري
و أصيح في صمتي..
ماذا يقول الناس لو قبلتها
((هذا حرام))
و أضم في عينيك طيفك كله
كالأم تحتضن الصغير من الزحام
و أعود ألثم شعرك المنساب يسري في الظلام
و أظل أكتب في المساء قصيدة
أو أجمع الأزهار يحملها كتاب
أو أنسج الكلمات في همس العتاب
لو عادت الأيام يا دنياي
أو عاد الشباب
الآن.. قد رحل الشباب
الآن شاخ القلب كالأمل العجوز
النبض فيه يسير في بطء عجيب
كالليل.. كالقضبان كالضيف الغريب
هو ساعة كانت تسير مع السنين.. توقفت
و كأنها منذ البداية أدركت
أن المسيرة سوف يطويها الغروب
أن المدينة
سوف تنتظر المسافر في المساء
هيهات يا دنياي
من قال إن العمر يرجع للوراء؟!
الدهر أعطانا الكثير
المال و الأبناء والبيت.. الكبير
لكنني
ما زلت أشعر بالضياع
ما زلت يجذبني حنين
نحو صدر أو ذراع
فسفينتي الحيرى تسير بلا شراع
أمضي هنا وحدي و لا أدري المصير
أهفو ليوم أدفن الأحزان في صدري
و أمضي كالغدير
لو عادت الأيام
و رجعت يا دنياي كالطفل الصغير

Tuesday, May 1, 2007

************** صنية كنافة ************


الحدوته دى حصلت فعلا ليلة ان غنت ام كلثوم اغنية انتى عمرى انا لا اذكر فى اى سنة كانت هذه الحادثه ولكن ما اذكره انه كان فى شهر رمضان..والحقيقة ان هذه الواقعة احدثت فى حياتى الكثير من التغيرات..والفضل الاول فيها يرجع للوالد رحمة الله عليه..والحقيقة انها لم تكن هذه هى الواقعة الوحيده فى حياتى التى يبين لى الوالد ماهى حياتنا وكيف نعيشها ونفهمها..السطور القادمه هى سرد لماوقع الكلمات العاميه فيها كثيرة وذلك محاولة فى اضفاء روح الواقعية على الحادثه

صنية كنافه

لقاء السحاب
ام كلثوم وعبد الوهاب فى انتى عمرى
لقاء يترقبه الجميع واعدوا له العده والعديد
كل على هواه وما يتشتهيه
منهم باللب وفول السودانى
وناس تانيه بالمكسرات ودول شكل تانى
وناس مع التعميره .. شيشه ولا جوزه او نرجيله
والاحبه اتنين..اتنين
اوشلة انس من الجنسين

وانا و شلة المساطيل معنا تعميره
ايه!! هبو.. من اللى على الكيف
ودارت الالحان وصوت الست ملعلع فى المكان
ودارت الجوزه معاها احلى مسا وشدة انفاس
وياسلام ياسلام على اللى يكتم ويحبس الانفاس
وطارت الكلامات والالحان وسط دخان ازرق جميل
سيبنا المكان وطرنا مع الدخان فى عوالم من نسج الخيال
انا وللى بحبه ونفسى فيه.. زى ما تقول كده فى مكان ولا الاحلام
قال ايه واخده فى حضنى.. لالا هو اللى وخدنى مافيش كلام

وقال ايه طيرين فوق السحاب وملايكه حولينا بتعزف احلى الحان
ملايكه معاها كمنجات وطبله ورق و صاجات .. دول عريانين؟
واحنا عريانين زى الملايكه تمام..ايه ده.. اسمه كلام؟ده جنان

!!!!!!!!!!!!!!!!!!!!!!!!
اه اه مين في ايه؟يابنى قوم فوق الحفلة خلصت خلاص
جيت اقوم رجليا فين؟ اه ياه.. دانا جعان نفسى فى حاجه حلوه جنان
روحت بيتنا مش عارف ازاى! وعلى المطبخ جريت اوام
ايه ده صنية كنافة؟؟ حبيبتى ياسلام بالكريمه كمان

اه احنا صحيح فى رمضان طيب الحق اخلص عليها قبل الاذان
رحت اوضتى وقفلت الباب. انا والصنيه مقفول علينا الباب ياسلام
حطيط الصنيه على السرير..رحت وجيت مش عارف اعمل ايه
اكلك منين يابطه اكلك منين؟؟اه لحظه اتحرر من كل القيود
كما ولدتنى امى انا واقف قدمها ونزلت عليها لهط وزلط ولغوصه
سلمت لى نفسها لحد ماضاع عنفونها وجمالها وشكلها

حلوة الكنافه.. والكريمه احلى ولذيذه ودى اخر ضمه.. قصدى لحسه.. لالا لقمه
خلصت عليها وخلصت عليا واخدت الصنيه فى حضنى وبستها ووشوتها
احلى ليله فى عمرى وانتى عمرى الى ابتداء بحلوتك وكرمتيك صباحه
اللى فات من عمرى قبلك فول وطعميه وعدس وفين وفين ساعات كشرى ومهلبيه
ام كلثوم وعبد الوهاب ومعاهم صنية كنافة كمان فى لقاء السحاب
ده كلام ولا فى الاحلام..ردت عليا الصنيه وقالت.. احلام ايه منا بين ايدك
وكنفتى لهطها من غير مااصعب عليك

سبنى ..سبنى ارجع مكانى فى البيت

عيب عليك


طلع عليا الصبح

ابويا صاحانى وقال.. اه ده يابنى ده؟ انت ليه كده والصنيه؟

و كمان عريان؟

انت كلت الصنية ولا نمت معاها؟


انت مش عارف ايه الفرق بين صنية الكنافه والنسوان؟..
النسوان هيا اللى بتعمل الكنافه و اللى احلى من الكنافه
النسوان هيا امك واختك ومراتك مش صنية كنافه
ومن يومها كرهت الكنافه بالكريمه واذا شفتها ااقف لها
وكانت دى اخر ليلة مع شلة الانس والمزاج والتعميره اللى اهيا
واجدع مسا على الناس الكويسه

ملحوظه:الشيكولاته دى فى صور السايد بار..صعب عليا ان اى حد منكم تعدى عليه وما يخدش باله..ياسلام على الشيكولاته..ولا ايه؟