عندى مشكلة

عندى مشكلة

الاخوة الاعزاء المدونين المحترمين..عندى مشكلة مع السايدبار بتاعى مش عارف اغير الصور اللى فيه.كل ما احاول اغير صورة الاقى المكان المفروض احمل منه الصورة من الهارد ديسك بتاعى مقفولة باسليدبار حاولت مرات كتيرة معاه لكن المشكلة مش عايزة تتحل ومش لاقى ليها حل عن طريق الهلب بتاع البلوجر حد عند حل لله..بمناسبة شهر رمضان الكريم..وكل سنة وانتم طيبين

*********** نظرات فى عالم الجمال********

كلام العيــــــــــــــــــون

كلام العيون موج فى بحور

ساعة همز وساعة لمز

وساعة عتاب

كلام يخاطب الوجدان

يتكلم بكل اللغات

جد وهزل و غرام

واجملهم كلام الغرام

حب ساعة فى عيون الحبيب

اجمل من دهر كلام

******

انا مش قصدى من البوست ده الكلام..اللوحة اللى فوق دى من صنع العبد لله.وده بعد الكورس الجديد مع برنامج الفوتوشوب..انا كنت خدت كورس قبل كده ولكن كان تمهيدى .ده يمكن يكون متقدم شوية.اللوحة دى عبارة عن 6لوحات اصليه كلها ملونه..تم تركيبهم مع بعض علشان تكون دى المحصلة النهائية..انا عارف ان المستوى متواضع خاصة مع الخبراء فى برنامج الفوتوشوب ولكن اهه محاولة ارجوا ان تعجبكم.بعد ما خلصتها..قعدت اتمعن فيها..شخصيات اللوحة واحده ولكن فى كل واحدة نظرة غير النظرة..ياترى الابيض والاسود بيقول ايه والملون يقول ايه؟لكن عموما كلامهم هم الاتنين بيقول احلى كلام للعيون