كلام العيــــــــــــــــــون
كلام العيون موج فى بحور
ساعة همز وساعة لمز
وساعة عتاب
كلام يخاطب الوجدان
يتكلم بكل اللغات
جد وهزل و غرام
واجملهم كلام الغرام
حب ساعة فى عيون الحبيب
اجمل من دهر كلام
******
انا مش قصدى من البوست ده الكلام..اللوحة اللى فوق دى من صنع العبد لله.وده بعد الكورس الجديد مع برنامج الفوتوشوب..انا كنت خدت كورس قبل كده ولكن كان تمهيدى .ده يمكن يكون متقدم شوية.اللوحة دى عبارة عن 6لوحات اصليه كلها ملونه..تم تركيبهم مع بعض علشان تكون دى المحصلة النهائية..انا عارف ان المستوى متواضع خاصة مع الخبراء فى برنامج الفوتوشوب ولكن اهه محاولة ارجوا ان تعجبكم.بعد ما خلصتها..قعدت اتمعن فيها..شخصيات اللوحة واحده ولكن فى كل واحدة نظرة غير النظرة..ياترى الابيض والاسود بيقول ايه والملون يقول ايه؟لكن عموما كلامهم هم الاتنين بيقول احلى كلام للعيون
18 comments:
عجبني جدا الشعر العامي المصاحب للصورتين
حب ساعة فى عيون الحبيب
اجمل من دهر كلام
فعلا لغة العيون من ابلغ اللغات وتختصر من المعاني الكثير
الابيض والاسود نظرتها فيها تحدي طفولي
أما الصورة الملونة ففيها غموض وسحر
حسب ماأحسسته من النظرتين
تحياتي
العزيزة بيلا
اهلا بيك فى مدونتى هذه هى المرة الاولى اشكر لك كلامك الرقيق وتعليقك الجميل..وكل وسنة وانت كيبة بمناسبة رمضان
وحضرتك طيب وبألف صحة وسعادة
صحيح هذه اول مرة اعلق على تدونة عند حضرتك لكني دائمة المتابعة منذ فترة طويلة
تحياتي
فعلا كلام العيون ده فن
بس اللوحه حلوه و شغل الفوتوشوب حلو مع انى مش بفهم فيه
كل سنه و حضرتك طيب
رمضان كريم
طبعا كان المفروض اني اكون عارف بفنون الفوتوشوب علي اساس تخصصي في التربيه الفنيه لكن للاسف لسه متعلمتهوش للانشغالات الشديده الدائمه بعدد من الامور
المهم
الصوره رغم انها لسيده واحده الا انها تعبر تعبيرين مختلفين في كل مره
ففي الصوره الملونه اشعر انها ودوده و فيها هدوء يشي بالعطف و السكينه
اما الصوره الابيض و اسود فاعتقد انها لاتوحي باي شر بل هي توحي بالخفه و النشاط و كثرة الحركه المحببه للنفس
نشاط الانثي الذي يفضله الرجل و يحببها الي قلبه
.................
طبعا كلام العيون
الكلمه نفسها معبره و في مكانها الصحيح
لان العيون بتتكلم
ممكن تقول انا بحبك مثلا و ممكن تقول العكس انا باكرهك
و ممكن تقول بغير منك
و ممكن تقول باحقد عليك
او معجب بيك
او انت مثلي الاعلي
او قدوتي
كل هذه التعبيرات العيون اصدق فيها من اللسان
...............
تحياتي
و كل عام انتم بخير
كنا عاوزين حاجه عن الفن الاسلامي بمناسبة رمضان و يكون فيها موسيقي تراثيه و شعر ايضا متماشي مع اللوحات
كما في بوست حفصه الركونيه
مريم كل سنة وانت طيبة واشكر لك التعليق الرقيق
الاخ الحبيب ذو النون كحل سنة وانت طيب ورمضان كريم..كما هى عادتك صاحب التعليقات الجميلة المعبرة
باذن الله ربنا يسهل..واشوف ربنا ممكن يفتح على بايه
ازيك يا دكتور
ايه اخبار حضرتك
الصورة طبعا جميلة وتدل على ابداع فنان وتركيب الصور جميل جداااا
وان شاء الله نشوف ابداعات كتييييير من تجت ايدك
وكل سنة وانت طيب
ورمضان كريم
والسلام...........
ازيك يا دكتور، عارفة انى بقالى مدة كبيرة قوى مدخلتش على مدوناتك و مأثرة جدا مع انى حقيقى حقيقى من اشد المعجبين بحضرتك و اللوح بتاعة حضرتك و ربنا يوفقك اكتر فى الفوتوشوب.
اما عن لغة حوار العيون دى حاجة مهمة جدا لان العيون ممكن تقول الى اللسان ميقدرش يقوله و بيحاول انة يخفيه.
كل سنه و حضرتك طيب و بالف خير
الأخ العزيز
كل سنة و انت طيب
رمضان كريم
أعاده عليك الله بالخير و بدوام العاقية و الحس الفنى الرفيع
أسعد الله صباحك
أهنئك أولاً بحلول شهر رمضان الكريم
وأشكرك على مدونتك التي تمزج بين الفن الراقي والجمال الإنساني الذي يبقى طويلاً في الذاكرة
كل سنه و حضرتك طيب بمناسبة العاشر من رمضان
بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر
كل سنة وانت طيب يا سيدى العزيز
كل سنه و حضرتك طيب يا أستاذ حسني و سامحني علي التأخير
تحياتي لكي يا أستاذنا
Harrah's Las Vegas - MapyRO
View 나주 출장안마 harrah's las 충청북도 출장안마 vegas (harrahs.lv) location in Nevada, 거제 출장마사지 United States, 파주 출장안마 revenue, 안동 출장샵 industry and
Post a Comment