سنة و ثانية
يومنا بقى ساعة
والساعة بقت ثانية
وانسى حكاية الاسبوع
والشهر والسنة
زمن مضى و كان
اليوم شهر والشهر سنة
يوم كله بركة وسعاده وهنا
تاكل و تشرب وتنام
وتزوركمان الاحباب
وتصلى وتلعب كمان
وساعة الحظ ساعات
ده كله كان زمان
********
حصرة على وقت مالوش قيمة
شالين ساعات فى ايدينا زينة
في زمن الوقت فيه من دهب
وزمن ضاع منا وذهب
وقعدنا نندب حظنا
حرام عليكم ياناس
الايام هى الايام
ثانية وساعة
يوم شهر وسنة
والشهور عند ربنا
اثنى عشر من يوم ما خلق
الارض والسما
نرجع للكتاب ورب الكتاب
ترجع لنا ايمنا
احسن مما كان
*************
*
ده على فكرة اول بوست عملته على مدونة سابقة كان اسمها"مواطن مصرى يحلم بالزمن الجميل"ونظرا لان ماحدش واخد باله من المدونات السابقة فانا قلت اجمعهم كلهم فى مدونة واحدة ونخلى زيتنا فى دقيقنا ولان ساعات ناس بتعلق هناك وانا لا التفت اليهم..وبناء عليه يمكن انقل بعض البوستات من المدونات دى الى هنا
26 comments:
الوقت كاالسيف ان لم تقطعة قطعك
من المهم ان الانسان يقسم وقتة ويحاول يستفاد من كل ثانية فية
لان الثانية اللى بتعدى مش راجعة تانى لينا
تحياتى
ما الزمن؟
لماذا الزمن؟
هل هو فرصه لتستمتع؟
هل هو فرصه لتتعلم وتزداد قيمه؟
هل هو ظرف جمع المال والثروة؟
هل هو مجالا تتستغله للتفوق على اقرانك وتكون مصدر احاديثهم ومحط اعجابهم ومضرب امثالهم؟
هل هو فرصه لمساعده الضعيف ومسح دموع المظلومين؟
هل هو للتأمل والتفكير وفلسفه الامور واستنباط القوانين؟
اى كان
فهو الفرصه الوحيده التى امامك لتكسب ابدا او تخسر ابدا
رايى ان الزمن فقط
فقط
لكى نفهم
من لم يفهم او فهم خطأ فقد خسر الخلود
من كان غير ذلك
فقد نجا
انا عجباني الصوره جدا جدا جدا
هي طبعا جزء من لوحة اصرار الذاكره للفنان الكبير سلفادور دالي
صح؟
انا محب له جدا
ياريت نعرف عنه الكثير هنا في هذه المدونه
كما ارجو ان تزودنا في بوست مخصوص باللوحات الرائعه التي خلفها في تاريخ الفن
...................
انا علقت علي الكلام مره في مدونته الاصليه
...............
انا اسف لغيابي لفتره لكن كان غصب عني لان كان عندي مشكله في البلوج نفسه
لكن الحمد لله انتهت كما ارجو
تحياتي
العزيز حسنى
كما اتقفنا سابقا ان الزمن بداخلنا يختلف
فشعورنا بالزمن يختلف حسب حالة الانسان ومع من وماذا يفعل
فتارة تمر الساعة سريعة ونتمنى ان لا تمر وتبدو قصيرة وتارة تمر نفس ذات الساعة ببطىء وكأنها لا تنقضى ابدا وتبدو اطول بكثير
غير ان الزمن الخارجى فعلا يبدو اسرع من ذى قبل وحركة ودورة الارض اسرع
الا ان حلم الزمن الجميل وذكرياته يراودنا دائما فنظن ان العيب فى الزمن ولكن الحياة التى تعاصر الزمن هى التى نفتقد
تحياتى
كلام مظبوط ياتامر فعلا ولكن تقول لمين محدش عارف الحكاية دى
عزيزى هرملس اى خلود تقصده خلود اعمال و افعال الانسان وذكراه,ام الخلود الابدى فى الاخرة.الخلود الاول هو خلود وهمى مهما طال فله امد على الاقل مدى عمر الحياة الدنيا اقصاه وهو مهما طال فهو فصير..وليس منا الا القليل من تكون اعماله وافعاله على مستوى المعرفة العامة والبقاء.اذن هناك من خلود سوى خلود الاخرة فهو خلود حتمى لا مفر منه وشقيه معروفان والواعى منا كان زمنه الساعى الى الخلود الايجابى السعيد نسال الله العغو والعافية
كلامك مظبوط يااستاذ شناوى فعلا هى جزء من لوحة دالى ولكن امعانا فى اسقاط عنصر الوقت نزعت العقارب من الساعة..واعدك باذن الله ان تكون هناك بوست كامل عن دالى قريبا
توتا العزيزة
ده كلام متفق عليه من مدة, ولكن ما قصدته هنا الاحساس العام الناتج عن الفعل العام..والدليل خاتمة الكلام..وان العيب ليس فى الايام ولكن العيب هل فعلنا مع الايام
هذا مع العلم بان سرعة الدوران الفعلية للارض واضح انها تسارعت بفعل اشياء كثيرة,اضيفى الى ذلك ان هناك حديث قدسى يبن انه عند قرب دنو اوقات الاخرة تتسارع فيه الايام و تدور بسرعة يختلف معاها الاحساس بالايام والاسابيع والشهور وهكذا
حصرة على وقت مالوش قيمة
شالين ساعات فى ايدينا زينة
في زمن الوقت فيه من دهب
وزمن ضاع منا وذهب
وقعدنا نندب حظنا
حرام عليكم ياناس
الايام هى الايام
ايه الكلام ده يا استاذنا
مش عارف اعلق اقولك ليه
بس انته كده حتخليني ارجع لقديمك في مدوناتك التانيه
واستمتع
.......
ليه يا فنانا مبقناش بنحس بالوقت
؟
يمكن علشان غايبين
او يمكن ميتين
في عالم تاني مش مرتبط بوقت
حكي لي صديق
انه اهدي صديقا له اجنبي ساعه يوما
زعل صاحبه الاجنبي و اتقمص
بتهديني ساعه يعني بتهيني
بتقول اني مبقدرش الوقت
الساعه هناك وقت وعمر
وعندنا زينه في البترينه وايدك الجميله
دقات قلب المرء قائله له ان الحياه دقائق وثواني
.........
يقول بول سارتر
الساعه الثالثه متأخره جدا او مبكره جدا لاي شئ تريد ان تفعله
للاسف انتهي ارتباطنا بالساعه
واصبح الوقت من ذهب شعارا وكلاما
تحياتي يا استاذ
وتمنياتي بالصحه والسعاده
>>>>>>>>>>>
من مجهول محمود
ومعلشي علشان انا بقيت مجهول في التعليق كمان
اصل النت عندي بيحمل ببطء شديد
.........
الأستاذ حسني سليمان
للوقت نكهة يا سيدي و اعتقد ان نكهات زمننا لم تعد لها طعم اصلي و لارائحة عطرة تأخدنا الى رحلات أزلية
للأسف أيامنا تتشابه وعصرنا يبتغي السرعة ..ففقد الوقت متذوقوه و نكهاته
تحية على لمحة الأمل في هذه التدوينة
جميل يا فنان
الزمن مع مطلع القرن العشرين مبقاش زمن.. بقى اللازمن
متوسط عمر الانسان 60 سنة
طبعاً 8 ساعات نوم في اليوم يعني 20 سنة من ستين
و20 تضييع وقت
و20 بنعمل حاجات ملهاش لازمة
وضاع العمر يا ولدي
قيمة الوقت مش موجودة للأسف.. اتمنى نقدره
اللوحة جميلة.. بيتهيألي إن سلفادور دالي لما رسمها كان برده يقصد تشظي الزمن
سلام يا فنان
أستاذ حسنى سليمان
مش عارف ليه مش آدر أتفق معاك فى النظره للماضى ده
نوستاليجيا ليه و علشان ايه؟
أنا شايف ان النظره التقديسيه للماضى دى فيها فعل ذاتى و ليس فعل جمعى
لأن النظره دى بتنبع من لحظات انت عشتها أو احنا عشناها فى زمان التكوين الأولى
زمن التوين ده لأنه كان زمن الإستكشاف و زى مابيقولوا حجر لسه ما تنقشى عليه
فا فرحتك بالماضى دى فرحه بالنقوش الأولى
نظره نابعه من الزكريات
ايه الفرق بين عهد السادات و عبد الناصر و حسنى مبارك
تعددن الأسماء و ال... الطفل الصغير أما يكبر هايقول نفس كلامك ده عن العصر اللى مش عاجب حضرتك
دى نظره هروبيه
لامؤاخذه فى اسلوب الكلام
أنا كنت زى حضرتك فى النظره دى لكن كان لازم تتغير
اتمنى ان تكون الرساله وصلت بوضوح
اتمنى التواصل
اعتقد ان الشعر لبيرم
هل انا صحيح ام انك وصلت فى ابداعاك لمستوى بيرم
الحبيب المعلوم لى جدا الان واحب انا ذلك عزيزى محمود حقيقة ان العمر ماهو الامجموعة من الساعات والايام والشهور تتوالى ونحن العنصر المحرك والمتحرك فيها وان لم نتعلم كيف نستهلك هذه الاوقات فسوف يضيع العمر فى عبث لا طائل من وراءهو ولن يكون هناك وقت للندم
العزيزة ندى الاوقات هى نفسها الاوقات فى كل الازمنة ولكن العنصر الؤثر فيها اثنان احدهم يتعلق بنظام الكون الخارجى والاخر متعلق بنظام كون كل واحد منا الداخلى
العنصر الثانى هو الاكثر تاثيرا على اوقات كل واحد منا على حدة
اليوم 24 ساعة والاسبوع سبعة ايام و السنة 12 شهر منذ خلق الارض
ويمكن القول ان الانسان هو الانسان المفروض بمعادلة حسابية الا يتغير اى شىء ولكن الحقيقة ان هناك مؤثر شديد الاهمية الا وهو الفكر والاحساس وهو عنصر دائم التغير بتغير الظروف والاحوال والاحداث هذا هو العنصر الاكثر تاثيرا
كيف افكر وكيف احس
اللوحة فعلا لى دالى مع بعض التحويرات منى بالغاء عقارب السعة امعانا فى تاكيد انعدام قيمة الوقت فى حياتنا
عندما يوجد فى حياتك شىء وانت لاتستشعر قيمته فلا يمكنك التعامل معه او الاستفادة منه وهذا هو حالنا العزيز ابراهيم
اسلام باشا اثرت ان يكون الرد عليك فى مدونتك ولقد كان
محمد عبد الغفار
والله ما انا عارف ان كان ده ثناء حقيقى ولا تهكم لطيف
بيرم التونسى ياه الله يخليك ..وان كان الامر تهكم فانت معك حق
وفى كل الاحوال فانا فى كلامى لا اتكلف كما انى لا ادعى احترافى للكتابة
هذه سيجة مجرد سجية
عمرى ما حلمت بالماضى
ولا الحاضر
ولا أتمنى انه يعود
نبيذ انتى عارفة ليه لانى اظن ليس فى ماضيكى القريب ولا حتى ذلك الحاضر شىء يتسحق ان يذكر وذلك نظرا لصغر سنك
ولكن المشكلة كل المشكلة ان ماضيك وحاضرك هذا الذى لا تحبين تذكره للاسف لا يبشر بغد مأمول والحقيقة انى اشعر بالحزن الشديد على هذا الجيل الذى يعيش فى اجيال غيره..السعيد فعلا و الباحث عن السعادة فى هذا الجيل لا يجدها فى الاجيال السابقة والدليل على ذلك شغف الكثير منكم بفنون الماضى وادب الماضى وما ندر من فن وادب الحاضر
بل الادهى من ذلك هو ان الكثير من اهل هذا الجيل لا يجد سعادته وثقافته الا فى ادب وفن وثقافة الاخرين من الدول المتقدمه .
الان كثير من ثقافات هذا الجيل هى ثقافة امريكية او فرنسية وما الى ذلك ثقافة بعيدة عما يعايش فعلا
بل الاكثر من ذلك اننا اصبحنا نستخدم احرف اللغة الانجليزية فى كتابة العربيةينتهى كلامى بان اقول لكى ان لكى الحق كل الحق عدم التفكير فى ماضيكى اوحاضرك وكان الله فى عونك
تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا 22 ش سوريا المهندسين..الدور ال8 ..عماره جريده الوسيط بالقرب من جامع مصطقي محمود..و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب
ماشى ياميكل..هو محمد التهامى عنده بلوج؟
الوقت نسبي تماما
وعمري ما لقيتله تعريف ثابت
بس اﻷكيد إن الوقت قيمته بتقل عندنا
أنا بقيت بدور علي اللحظات القليلة اللي بعمل فيها الحاجات اللي بحبها
بقيت بالعافية بلاقي وقت أٌقعد مع نفسي وأتكلم
تحياتي لأستاذي
الوقت فعلا بيجرى اسرع مننا
ومش عارفين نلحقه
بس والله فينا ناس بتحاول
دعواتك
تحياتى لك
الوقت دائما لا يكفى
نحاول إقتناص لحظات سعادتنا رغم أنف الوقت
باحب دالى و مدرسته
تحياتى للصديق العزيز
Post a Comment