عند بداية ظهور المدونات منذ سنوات قليلة ماضية ظهرت تحت اسم جورنال "Journal"
وبداء استخدامها على انها صحيفة احاول شخصية بحتة حتى ان بعضهم استخدمها كأداة لتفريغ احاوله اليومية منذ استيقاظه فى الصباح وحتى ينتهى يومه دون النظر الى من يقرائها او يعلق عليها..والى حد كبير كان يمكن اعتبارها نوع من التواصل مع من نعرف من الاسرة والاصدقاء.
تتطورت الامور الى حد كبير وتعددت الاستخدامات لهذه المدونات وكثرت بشكل واضح وتعدت حدود الاسرة والاصدقاء الى اخرين لم يكن للمدون سابق معرفة بهم..واصبحت ظاهرة عالمية.
التواصل بين المدونين وقيام نوع من التعارف بينهم كانت له اسباب عدة قد يكون بعضها توافق الاراء والميول او الاختلاف احيانا فى وجهات النظر والبعض الاخر من باب حب الاستطلاع وزيادة المعرفة والتعارف الى اخرين الى اخره من الاسباب
كل هذا التواصل كان عبر الاثير اى من خلال الاجواء دون ان يكون هناك تواصل حى بين المدونين وبعضهم البعض فى الواقع الحى وكما قال بعض المدونين فى وصف هذا الامر ان "التواصل عبر المدونات هو واقع افتراضى وعند الالتقاء وجها لوجه هو واقع حقيقى"
كان الواقع عبر الاثير يضفى نوعا من الخيال لكل مدون عن المدون الاخر خاصة عندما تكون المعلومات عن المدون قليلة ..ولايتم استقاء اية معلومات عن الاخر الا من روح كلماته وتعليقاته.الامر الذى كان يضفى قدر من السحر على هذه المدونات لما كان يدور فى خيال ومخيلة كل مدون عن المدون الاخر عموما, وخصوصا اذا كان الامر متعلق بمدون ومدونه
وهنا تبادر لذهنى سؤال او اسئلة وهى على الوجه الاتى:
1- هل اللقاء بين المدونين يمكن ان يسقط من هذا السحر ويقلل من اقبال المدون على التدوين والتعليق,خاصة وان شكل العلاقة ينتقل من مجهول الى معلوم,بل الاكثر من ذلك ان اساليب المدونين لا تقتصر على المدونه فقط بل قد تتعداها الى انواع اخر من الاتصال مثل الشاتنج والتليفون واللقاءات الحية؟
2- هل اللقاءات بين المدونين يمكن ان تنشاء نوع اخر من العلاقات بين المدونين وبعضهم البعض تجعلهم ينصرفوا عن التدوين الى شكل اخر من اشكال التعبير الجماعى كل على حسب ما اجتمعوا عليه؟
3- السؤال الاخير هل من الافضل تعرف المدون على المدون الاخر فى الواقع ام من الافضل ان تظل العلاقة عبر الاثير بكل ما تحمله من سحر وخيال؟
***************************************************************
22 comments:
بصراحة لكل من النوعين من التواصل سحره وجماله
بس انا بحب اتصال البشر المباشر
وفي نفس الوقت
سعات الواحد ميقدرش يوصل للناس رأية الا بالكتابة
انا بحتاج للنوعين معاً
يعني الواحد يكتسب صداقات من مختلف الثقافات
سواء بالاتصال المباشر
او عن طريق الكومنتات فقط
.
هو الانسان ايه غير شوية صدقات
وحجات فوق بعضها كده
:)
استاذي الفاضل حسني
والله هي نظرية الصراحة
انك بشوف بشر من لحم و دم كانوا مجرد صفحة و حروف و كلمات صامته
دلوقتي بتكمل الصورة و تسمعهم صوت و صورة مرة واحدة و بالذات لو حد مثلا - زي حالاتي- اللي مش لا ليك لا معلومات شخصية و لا اي حاجة..و كل واحد يتخيل علي مزاجه ولا يصل الا لصورة هلامية في الاخر
:))
بس تقريبا اللقاء الواقعي بتكمل الصورة شوية
بتعرف ملامح تانية من الشخصية دي
هي تجربة.. و سلاح ذو حدين
و الفضول اللي جوا البعض انه يشوف الناس دي
:)
تحياتي
اليوم رأيت لوحه جميله و عليها امضاء افنان فهل هذه الوحه لك
تحياتي الشديده
استاذ حسنى
لا اعتقد ان اللقاء بين المدونين يؤثر على سحر التدوين
بالعكس و يمكن ده يختلف من شخص لآخر
لكن ممكن عمق الترابط يؤدى الى التمسك بالتدوين اكتر
من جهه اخرى قد يكتشف البعض ان الصوره التى كان يتصورها خاطئه
فتتغير نظرته الى التدوين
تحياتى لحضرتك
مريم
العزيز حسنى
فى اسئلتك استقصاء فى محاولة لتأكيد فكرة كونتها فى ذهنك
لكن لك ان تعرف ان الاجابات سوف تتفاوت والسبب واضح وهو اختلاف هدف كل واحد منا للتدوين
ولانى احببت ان اجيبك ولو انى اعرف مسبقا انك بقدرتك التخمينية والتى اكتسبتها من الحياه تعرف مبدئيا رد كل واحد من ورأيه
ردا على سؤالك الاول نعم يسقط السحر مع اكتشاف المجهول ولان سمة الانسان الفضول فهو يظل يقرأ فكر المدون فى كل بوست فى محاولة يائسة لاستكمال الصورة وعندما تظهر الصورة مباشرة يسقط معها سحر الغموض هذا للمعلق اما المدون نفسه فكما قلنا يتوقف على هدفه من التدوين هل تحقق الهدف بالتواصل الفعلى وانتهى الهدف الذى من اجله يدون ام ما زال هناك هدف يحتاج ان يستمر فى تحقيقه
اما عن االقاء التدوينى فان تحول التدوين الى جمعية مشرعة لها اهداف اخرى مع التدوين يفقد التدوين جزء هام ويحقق التواصل الفعلى ما كان يمكن ان يقوم به التدوين ان كان الهدف رسالة قصيرة محدودة
ولا احبذ هذه الفكرة لان انشاء جمعية معينة لتحقيق افكار معينة لا يتطلب شرط التدوين باى حال من الاحوال وان جاز ان يكون التجمع التدوينى فرصة فقط للتجمع
لا افضل تعرف المدونين على بعضهم البعض لان القيد الذى تفرضه المعرفة الشخصية يحجم فكر المدون احيانا ولا يجعله يرغب ان يخرج عن اطار الصورة الفعلية التى تكونت له اما كونه مجهولا فهذه حرية لها مذاق مختلف برع من ظل محتفظا بها
هل تطابقت اجابتى مع توقعاتك
اظن نعم فلا يكذبنى حدسى اغلب الوقت
اعتذر عن الاطالة
تحياتى
عزيزي الفنان الرائع
حسني سليمان
ربما كنت جالسا معي في افكاري وترددي حول زهابي الي لقاء المدونين من عدمه
ربما كان ضعف في شخصيتي وعدم قدره علي التواصل
ربما كان ايمانا بأن البعد خير من الاقتراب
ان تحب شخصا مما يكتب ويبدع
من احاسيسه و مشاعره
اكثر من ان يكون صديقا
تربطك به علاقه جديده غير علاقه قارئ بمبدع
عرفت من شخصياتكم الفنان و المبدع و المناضل وصاحب الفكر
لم ارد ان اري وجه الانسان بملامحه ولحمه ودمه
ان يكون الفكر و العقل و الشخصيه هي الرابط ربما تخون نوعا ما
لكن تبقا وجها جميلا لشخص تتمني ان تراه لكنك في جميع الاحوال تحبه
تحياتي لك يا استازي دوما
وربما اعيد تنظيم وجهة نظري من جديد واتمني ان اراكم وواثق من انكم لن تختلفوا عما رأيتكم في خيالي
انا عن نفسي لا يسقط التدوين عندي للمدون الي بخشله
بس في ناس اتغيرت من بعد ما شافتني
واكتملت صورتي زي ما توتا بتقول
فمش حابين يكتشفوني زي الاول
بس هما اكيد غلطانين
بس انا مش بيفرق معايا اني اشوف الانسان ولا لا
لاني يهمني اني اواصل مع اللي قدامي باي وسيلة هو يختارها
استاذ / حسنى
انا كنت الاول من انصار ان المدون مفروض يبقى مجهول علشان يقدر يتكلم براحتة
بعد اما حضرت الاجتماع التانى لقيت انى كنت غلطان
اما عرفت مدونيين تانيين لقيت فيهم اصدقاء كويسيين وناس ظريفة ممكن تخرج الواحد من عزلته تقف معاه فى وقت محنة او مشكلة يعنى اعتبرتها حاجة كويسة لتكوين صداقات جديدة وفى نفس الوقت لسه بكتب اللى انا عايزة متحرجتش انى ابطل كتابة
اعتقد ان اللقاءات ديه كويسة جدا بس انا رايى انها متكونش شهرية لازم تكون ابعد من كده يعنى كل شهرين مرة علشان الناس متفدش حماستها وانها يكون عندها شوق وفى انتظار اللقاءات اللى بعدها
مش معنى اننا بنكتب يبقى لازم نبقى غامضون
هو يعنى لما حد بيتعرف على كاتب معين أو صحفى بيبطل يقرا له
المدون انسان .. والإنسان واقع
توتة فهمت غلط
انت عاوز تعرف اننا نؤيد اللقاء
عاوز تسمع دة بس مستنى رأى الناس ونفسك يكون كدة
صح
لكل مقام مقال
على النت انت شخصيه بدون جسد
فكر بدون حدث
لاتستطيع ان تطمع فى شخص
ولا يطمع شخص فيك
لاتضر احد ولا تنفع احد الا معنويا
هنا انت حر اكثر
تستطيع ان تكون حقيقتك
بل قل تستطيع ان تكون حقائقك
تستطيع ان تظهر كل شخصياتك
حتى لو منها شحصيه عابئه
او شحصيه جريئه
او شخصيه متطرفه
هنا يمكنك ان تتخفف من البروتوكولات
وتعبر عن ما بداخلك
لكن افترض انك ستقابل المدونين غدا
هل ستظل جريئا؟
هل ستتحدث ببساطه عن ضعفك وهناتك واخطاءك؟
ام هل ستتذكر عيون المدونين عندما تقابلك؟
وتتذكر تأثير كلامك عليهم كيف سيكون؟
هذا سيشفق عليك
وهذا ستهتز صورتك امامه
وهذا سيطمع فيك
هذا هو الجانب الاخر من ازاله ستار النت بين المدونين
لكن
فى المقابل الفوائد كثيرة
معروفه ويمكن تخيلها واستنتاجها
فنحن فى النهايه بشر
ولسنا فكر هائم فى الاسلاك
وبداخلنا جزء يريد بشده ان يمارس بشريته
والمفاجأه
انك يمكنك ان تبدأ من جديد دائما
ويمكنك ان يكون لك اسم جديد ووجه جديد
اذا اردت العوده الى عالم النت فالباب دائما مفتوح
اعتقد مازالت المكاسب اكبر من الخسائر
ولكنها تفرق من شخص لاخر
استاذ حسنى انت طرحت موضوع مهم جداً بدر الى ذهنى من اول لقاء لنا و كنت مشغول جداً بيه لدرجه انى كونت عنه اجابات بدت مقنعه بالنسبه لى
بالنسبه للسؤال الاول :- بالفعل لقاء المدونين اسقط كثير من هذا السحر لكنه ادخلنا الى عالم اخر ملئ بكل فنون الاسحار
2- لا اعتقد ان هذه العلاقه يمكن ان تبعدهم عن التدوين لانه اصلاً سر تواصلهم و ايضاً لانهم يعلمون جيداً انهم من بيئات و جهات متفرقه فى المكان و الثقافه و لهذا لا يوجد غير التدوين هو الذى يقدر على تجميعهم باستمرار
3- بالفعل الافضل هو تعرف المدونين لان عالم السحر الخاص بالتدوين و خياله سوف يجيئ عليه وقت و ينتهى هذا السحر لانه فقط من نسج الخيال و لكن لقاء المدونين ادخلنا فى نوع اخر من السحر الحى الذى بالتاكيد سيدعم سحر المدونات و ينقلها لمرحله اخرى اكثر نضجاً
شكراً لاثارتك هذا الموضوع
و تحياتى يا استاذى الجميل
استاذ حسنى انت طرحت موضوع مهم جداً بدر الى ذهنى من اول لقاء لنا و كنت مشغول جداً بيه لدرجه انى كونت عنه اجابات بدت مقنعه بالنسبه لى
بالنسبه للسؤال الاول :- بالفعل لقاء المدونين اسقط كثير من هذا السحر لكنه ادخلنا الى عالم اخر ملئ بكل فنون الاسحار
2- لا اعتقد ان هذه العلاقه يمكن ان تبعدهم عن التدوين لانه اصلاً سر تواصلهم و ايضاً لانهم يعلمون جيداً انهم من بيئات و جهات متفرقه فى المكان و الثقافه و لهذا لا يوجد غير التدوين هو الذى يقدر على تجميعهم باستمرار
3- بالفعل الافضل هو تعرف المدونين لان عالم السحر الخاص بالتدوين و خياله سوف يجيئ عليه وقت و ينتهى هذا السحر لانه فقط من نسج الخيال و لكن لقاء المدونين ادخلنا فى نوع اخر من السحر الحى الذى بالتاكيد سيدعم سحر المدونات و ينقلها لمرحله اخرى اكثر نضجاً
شكراً لاثارتك هذا الموضوع
و تحياتى يا استاذى الجميل
الاستاذ حسني سليمان
لقد كتبت تعليقا طويلا حول هذا الموضوع لكن عند محاولتي لنشره ضاع كل شيىء فتنازلت عن الكتابة مرة اخرى
و لاني اعشق الفن...و احب الدخول الى سراديبه فابيت ان اخرج دون ان اقول لك
ان الموسيقى رائئئعة ...عادة عند دخولي لمدونة اغلق الملف الصوتي لكني هنا ظغطت عليه مرارالاسمعه مرارا ولم ترتوي روحي بعد
تحياتي
سيدى الفاضل
لما كنت موجوده فى اللقاء الاول كنت خايفه جدا انى الاقى الناس اللى شفتهم وحبيتهم عن طريق المدونات يطلعوا غير الشكل اللى انا رسمتهولهم جوايا
فيه ناس ممكن يكونوا كده..وفيه ناس كانت احسن من الصوره دى
التدوين واللقاء عبر الاثير جميل
وبيخلى الواحد يعرف الناس على حاجات معينه بس عاوزهم يعرفوها
انا مش باعتبر ان دا تزييف مادام مش بيخالف الحقيقه
وحتى لو اتقابلنا مع مدونين كتير
هاتفضل عندنا الفرصه اننا نتلاقى اثيريا مع ناس تانيه وبس
زيارتى الاولى لمدونتك ..وشكلى هابقى ضيفه دائمه
تحياتى
إزيك يا فنان
والله الموضوع جميل..انا شايف لإن فيه ناس تستحق إنك تعرفها أكتر وده أكيد مش هيقلل تواصل التدوين بل هيزيد التواصل
وفيه ناس علاقتك بيها متتعداش التدوين
بس في جميع الحالات المجهول أفضل..لأن إفتراض الإنسان دايماً احسن من الواقع.. لأن الخيال بيرسم صورة أسمى واحسن بكتير
بس التعارف كان شئ جميل ومهم..ويزيد من التواصل بينا
شكراً لكلامك الجميل
سلام
اخى العزيز
انا رأيى ان الموضوع نسبى و يختلف من شخص لشخص
بمعنى فيه مدونين اكيد يكون جميل انك تقابلهم وبتكون عارف مسبقا ان مقابلتك بيهم هتكون تقارب هو موجود اصلا
وخصوصا لو التواصل عن طريق التدوين كان ليه بعد اعمق من البعد الشخصي فقط
وفيه مدونين ممكن يبتدوا يلبسوا اقنعة و يتحول التدوين عندهم بسبب اللقاءات الى مسخ من نفاق حياتنا اليومية وده ليس ليه بالضرورة دخل باللقاء بمعنى ان الرياء او النفاق بيكون نواة موجودة اصلا واللقاء بيزيد حدته
فى جميع الاحوال يجب ان يبقى هدف التدوين هو التدوين اولا واللقاءات نوع من التواصل على محور اخر
متهيألي هو ده الموضوع اللي كله بيفكر فيه
من بعد اللقاء الثاني
التدوين ليه أهداف مختلفة
وكل مدون ومدونه عنده أهدافه المختلفة
عشان كده اﻷراء هتختلف من شخص للتاني
أنا من مؤيدي التعارف بي المدونين
بشرط إن ده ميأثرش علي كتابتهم
لإن ذي ما عالم النت له سحره
العلاقات الإنسانية المباشرة ليها سحرها
تحياتي
اولا حابه انى اسلم على استاذى الجميل
من يضىء للفن نورا فى قلوب الاشخاص
تانى حاجه لو كنت كتبت عن رديت على الاسئله اللى حضرتك
طرحتها مكنتش هعرف ارد احسن من القهوجى
هو فعلا اوجز وانجز
انا يمكن فعلا متقبلتش مع مدونين بحكم بعدى عن جو اللقاءات دى لانها بتم فى مصر
وانا عايشه فى اسكندريه
بس افتكر احنا لسه مبقاش عندنا الوعى الكافى عشان نعرف نقابل بعض من غير ما يسيطر علينا الفضول بشكل يذيب سحر الارواح
انا كان ليا تجارب فى مقابله بعض الاشخاص من خلال النت يعنى من برامج الشاتنج
مش التدوين
بس كانت تجارب بصراحه مش حلوه
تحس ان الناس جايه تتفرج عليك ههههههههه
كانهم مستنين يشوفو شكلك وكل الكلام كان خالى من الصدق
احنا لسه مبقاش عندنا الوعى اننا نسيب الشكل والفضول لشكل فلان وعلان ونهتم بالروح اللى عرفناها سواء من خلال التدوين او اى وسيله مش بيتم فيها اللقاء الحقيقى فى الواقع الا بعد تفاعل الارواح
بس عن نفسى فعلا فى اشخاص عرفتهم فى التدوين فعلا بتمنى اشوفهم حقيقى
وعلى قدر ما حستهم وحسيت بروحهم
لازم اغفل جزء الشكل والمظاهر
لان فى البدايه التواصل كان من خلال كلمات
انا احترم اى روح حبتها من خلال كتابتها
والشكل دا شىء لازم اافصله تماما
المشكله بتكون فى الاطراف التانيه
اللى بتحس كانهم فعلا بيشوفو الاشخاص دى عشان شكلهم ستايلهم او اى حاجه ماديه
لازم الناس تعرف ان امتع شىء لما تقابل روح الشخص قبل جسده افتكر دا بيدى عمق للعلاقات اكتر من اى علاقه تانيه ابتدى فيها التواصل عن طريق العين والجسد
ودا ميمنعش ان يكون اجمل اكيد لو حصل توافق بين الروح اللى كنت بتخيلها والشكل كمان او الطريقه الواقعيه للروح اللى عرفتها
اسفه لو كنت طولت فى الكلام
واتمنى ان المعنى يكون وصل
وتحياتى ليك بجد على المجهود اللى بذلتو فى اللقاءات اللى فاتت
ازيك استاذ حسنى اخبارك اية
التواصل مع المدونين واللقاء على ارض الواقع يزيد عالم التدوين سحر وجمال
اللقاءات تؤثر على من هو مزيف فى كتاباته أو العكس
أنا شخصيا لم أستطع أن أتحمل فكرة أن يكون كل هؤلاء الذين أحببتهم وعشقت كتاباتهم مجرد خيال
أنا بطبيعتى انسانة واقعية ولا أعرف الخيال ولا أحتمل أن يكون الإنسان مجرد خيال فقرت أن أخرجهم من مجرد صفحة على شاشة الى واقع حقيقى ملموس
تعالوا اللقاءات .. صرخوا .. اختلفوا .. اتفقوا .. قولوا رايكم .. ماتخافوش من حاجة ولا من حد
اتعلموا انكوا تواجهوا الناس بآرائكم حتى لو مختلفة وغريبة ومتمردة
واللى مش قادر يحاول واللى مش عاجبه التانى يقول .. ايه المشكلة
لازم يكون فى فرصة لكل انسان انه يطلع اللى جواه ويقوله فى وش الناس مش فى الخفاء
دة رأيى .. وأشكرك على اثارة الموضوع
واشكرك على دعمك لى ومساندتك فى محنتى
انت انسان عظيم ولولا اللقاء ماكنتش اتعرفت بيك
تحية من قلب مجروح
انا اول مره اكتب تعليق هنا 00
بس احب اجاوب عن اول سؤال فيهم بس لأن انا مقتنعه بكده فعلا ان لما حد يعرف اسمي او شكلي ده مش هيخلي تأثيري في الكتابه هو هو و هيوقف خيال اللي بيقرا انا اما اكون مش عارفه شكل او اسم او اي تفاصيل عن اللي بيكتب ده بيفتحلي خيال اوسع في تخيله ؛ مش معني كده ام اللي بيبان شكلهم او اسمهم مش مؤثرين بالعكس بس التانيين في سحر اكبر و ده سبب اني مباجيش الاجتماعات اللي بتعملها ياسمين
و اخيرا 00 بسمع عنك انك بابا المدونين و ده شئ يشرفني اني اكتب تعليق عنك
باي باي
اعتقد ان داه يتوقف على الغرض من التواجد نفسه فيه ناس علشان اسباب سياسية مثلا اظن داه مالوش اى علاقه بسحر التدوين و ناس يحكوا عن تجارب شخصية ومحتاجين يعرفوا راى حد ,هنا فيه اختلاف لان التواصل هنا بيكون نفسي اكتر, ممكن لو قابلت حد من المدونين فى الواقع الاليم , انا مقسمه الواقع الى اليم اللى احنا عايشينه و افتراضى اللى بنلاقى نفسنا فيه و دى فى حد ذاتها ماساه, دا يخلينى مقدرش اكتب تانى ممكن يصبنى بنوع من الخجل او انافق فى الكتابة ويبقى معملتش حاجة
ممكن فعلا تنشا علاقات مختلفة لو فيه حاجة عمليه نقدر نقوم بيها داه حيكون احسن من الكتابة بس طبعا
افضل الموضوع يقتصر على الواقع الافتراضى كده اقدر اقول اللى انا عايزة بحريه بس احيانا الفضول الانثوى ممكن يظهر
يا ريت حضرتك تشرفنى فى بلوج بتاعى لسه بداه الشهر اللى فات و لسه جديدة على العالم داه
Post a Comment